Sri ganesh stuti in odia

 

         ଶ୍ରୀ ଗଣେଶ  ସ୍ତୁତି 

ଜୟ ଜୟ ଗଣନାଥ ଗଉରୀ ନନ୍ଦନ l

                      ଜୟ ଜୟ ଲମ୍ବୋଦର ଗଜେନ୍ଦ୍ର ବଦନ ll

ଜୟ ଜୟ ଗଣପତି ଖର୍ବ କୁନ୍ତଧାରୀ l

                      ଜୟ ଜୟ ଦୀର୍ଘ ବାହୁ ସୁଧା ଲଡ଼ୁଧାରୀ ll

ଜୟ ଜୟ ମୂଷିକ ବାହାନ ବିଦ୍ୟାଧର l

                      ଜୟ ଜୟ ସୁନ୍ଦର ମୂରତି ଗଣେଶ୍ଵର ll

ଜୟ ରତ୍ନଗିରିବାସୀ କପିଳ ଦ୍ବଦନ୍ତ l

                       ଜୟ ଜୟ ଚତୁର୍ଭଜ ସଦାଶିବ ସତ ll

ମହାକାୟ ଲକ୍ଷ୍ୟ ସ୍ସ୍ବର୍ଣ୍ଣବର୍ଣ୍ଣ ଗଜ କର୍ଣ୍ଣ l

                        ବିକଟ ବିଘ୍ନନାଶନ ସଙ୍କଟମୋଚନ ll

ଖଡଗଧର ଧୂମକେତୁ ଶୋହେ ଶ୍ରୀଚନ୍ଦନ l

                        ସକଳ ଦେବତାଙ୍କର ଅଗ୍ରେ ତୋ ବନ୍ଦନ ll

ଗରିବ ଗଞ୍ଜନ ସାଧୁ ଜନପ୍ରିୟ ସଦା l

                         କ୍ଷଣକେ ବଇରୀ କୁଳ କରିଦେଉ ପଦା ll

ଗଣ୍ଡିସ୍ତଳୁ ନିରନ୍ତର ମକରନ୍ଦ ବହେ l

                         ସୁନ୍ଦର ଯଜ୍ଞପଇତା କଣେ ଶୋଭାପାଏ ll

ଏକହସ୍ତେ ପାଶାଙ୍କୁଶ ମାଳି ଅନ୍ୟହସ୍ତେ l 

                        ତୋହରଯେ ଶୋଭାପାଏ ପଦ୍ମ ଏକହସ୍ତେ ll

କଣ୍ଡରେ ମୁକୁତାହାର ସଦା ବିରାଜଇ l

                         କପାଳେ ଚନ୍ଦନ ବିନ୍ଦୁ ସୁନ୍ଦର ଦିଶଇ ll

ପିତାଙ୍କୁ ଦ୍ଵାର ନିରୋଧକଲୁ ଯେତେବେଳେ l

                         କାଟିପକାଇଲେ ଶିର ଶିବ ସେତେବେଳେ ll

ସୂର୍ଯ୍ୟକୋଟି ପ୍ରକାଶିତ ଭୀମ ବିନାୟକ l

                         ହୃଦପ୍ରିୟ ବ୍ରହ୍ମଚାରୀ ଅଜ୍ଞାନୀ ଅନ୍ତକ ll

ଶୁଦ୍ଧ ସୁବର୍ଣ୍ଣର ପ୍ରାୟ ଶରୀର ଦିଶଇ l

                          କର୍ଣ୍ଣ ଯୁଗଳେ କୁଣ୍ଡଳ ତେଜେ ବିରାଜଇ ll

ଅଜିତ ଜୟବର୍ଦ୍ଧନକାରୀ ଦେବରୂପୀ l

                           ଯଜ୍ଞରୂପୀ ବିଷ୍ଣୁରୂପୀ କନ୍ଦର୍ପ ସ୍ଵରୂପୀ ll

ଆଦିଦେବ ଆଦି କଣ୍ଠ ମାୟାବିବର୍ଜିତ l

                           ନମୋ ନମୋ ଗଣପତି ତ୍ରୈଲୋକ ପୂଜିତ ll

ସେନାଧ୍ୟକ୍ଷ ଜାଡ୍ୟହର କଲ୍ୟାଣ ଦାୟକ l

                            ଅମ୍ବିକେୟ ଅରବିନ୍ଦ ହେ ଚଣ୍ଡିନାୟକ ll

ବ୍ରାହ୍ମଣ ପ୍ରିୟ ଭକତ ବନ୍ଧୁ ଦୟାମୟ l

                             ଜ୍ଞାନର ଗରିଷ୍ଠ ଦେବଦୈତ୍ୟ ସେବନୀୟ ll

ରକ୍ତ ମନ୍ଦାର ମାଳରେ ତନୁ ବିଭୂଷିତ l

                            ନିଶ୍ଚଳ ଅଗ୍ନି ବଦନ ନିର୍ଗୁଣ ଆରକ୍ତ ll

ମେରୁ ମନ୍ଦିର ସ୍ଵରୂପ ବିରୂପ ସ୍ବରୂପ  l

                            ଭିନ୍ନାଞ୍ଜନ ସମା ପ୍ରଭୁ ଦଣ୍ଡୀ ଗଜରୂପ ll

ରକତ ଚନ୍ଦନ ରକ୍ତ ବସ୍ତ୍ର ପରିଧାନ l

                            ନମସ୍ତେ ନମସ୍ତେ ପ୍ରଭୁ ଅମ୍ବିକା ନନ୍ଦନ ll

ପ୍ରସାରିତ ମଧୁଗନ୍ଧ ଆଘ୍ରାଣ ଲୋଲୁପ l

                           ହୋଇ ବିରାଜନ୍ତି ଗଣ୍ଡିସୁଳରେ ମଧୁପ ll

ଦନ୍ତାଘାତ ବିଦାରିତ ବଇରି ରୁଧରେ l

                          ରକ୍ତ ସିନ୍ଦୁର ପରାଏ ଦେହ ଶୋଭା ଧରେ ll

ଶଙ୍କୁବର୍ଣ୍ଣ ପ୍ରଚଣ୍ଡ ହେ ଶାନ୍ତ ଭବାତ୍ମଜ l  

                        ଋଷି ବନ୍ଦନୀୟ ତୁମ୍ଭେ ଚରଣ ପଙ୍କଜ ll

ନମୋ ବିଘ୍ନ ବିନାୟକ ଅଭୟ ବରଦ l

                         କି ସ୍ତୁତି କରିବି ମୁହିଁ ଅଜ୍ଞାନ ନିର୍ବୋଧ ll

ହେ ପ୍ରଭୂ ପାର୍ବତୀ ସୁତ ମୋତେ କୃପାକର ।

                           ଜନ୍ମ ଜନ୍ମ ସେବୁଥିବି ତୋହର ପୟର ll

ନାହିଁ ମୋର ବିଦ୍ୟା ବୃଦ୍ଧି ସହଜେ ମୁରୁଖ l

                           ତବସ୍ତୁତି କରିବାକୁ ନାହିଁ ମୋର ସଖ୍ୟ ll

ଦୟାକର ଆହେ ପ୍ରଭୁ ଗିରିଜା ନନ୍ଦନ l

                           ତୋହର ଚରଣ ତଳେ ଗଲି ମୁଁ ଶରଣ Il

ଧନ୍ୟବାଦ